مقتطفات نهضاويهـ { اخر الاخبار }

[مشجع نهضاوي صغير]

السلام عليكم

شخباركم عساكم الا بخير

ما بطول عليكم و بخليكم مع اخر الاخبار

1- اغلب الاعبين خلصوا الفحوصات الطبيه فـ مستشفى البريمي
و شوهد الاعبين بشكل مجموعات فـ المستشفى فآآخر الايام الماضيهـ

2- تفوح للعيان مشكله بين الاداره و أحد الاعبين الصاعدين
و تطالب الاداره الاعب بـ التوقيع . و الاعب فــ محل رفض تاام
و تصاعدت المشكلهـ لأكبر من ذلك بشكل أكبر

3- عودة الاعب { ماجد البرامي } لــ تمثيل العنيد فـ الموسم القادم



هااذا الي عندي
و انتظروا اليديد

مشجع نهضاوي صغير

[نهضاوي وكلي فخر]

عودة ماجد البرامي ستكون حافز للاعبين الذين كانوا يحلون مكان ماجد البرامي.................

[أحمد المقبالي]

مرحبا أخوي مشجع نهضاوي صغير وشاكرين لك تفاعلك في نقل أخبار العنيد

بالنسبة للنقطة الثانية: عدم توقيع أحد اللاعبين الصاعدين فليس السبب هو اللاعب وانما من يحرض اللاعب على عدم التوقيع وإن شاء الله راح تحصلون الرد الوافي من اللجنة الإعلامية عما قريب

بالنسبة لماجد البرامي إن شاء الله نشوفه نهضاوي الموسم هذا بس باقي بعض الأمور بين الإدارة واللاعب ومن يخلصوا معاه
لعيوووووونكم بننزل الخبر

[محمد الغيثي]

بنتظار التقرير الشامل من اللجنة الاعلامية والتوضيح بشكل اكبر !!

مشكور عزيزي مشجع نهضاوي على إدراج الاخبار يعطيك العافية

[العنيد عنيد]

والله حاله العيال كبرت وصارت تعاند

وعاد اسكت عن المحرضين اللهم لا حسد

[زهرة البنفسج]

مشكور أخوي مشجع على الأخبار...

ونتمنى جل التوفيق للعنيد...

[مشجع نهضاوي صغير]

المشاركة الأصلية كتبت بواسطة أحمد المقبالي

مرحبا أخوي مشجع نهضاوي صغير وشاكرين لك تفاعلك في نقل أخبار العنيد

بالنسبة للنقطة الثانية:عدم توقيع أحد اللاعبين الصاعدين فليس السبب هو اللاعب وانما من يحرض اللاعب على عدم التوقيع وإن شاء الله راح تحصلون الرد الوافي من اللجنة الإعلامية عما قريب

بالنسبة لماجد البرامي إن شاء الله نشوفه نهضاوي الموسم هذا بس باقي بعض الأمور بين الإدارة واللاعب ومن يخلصوا معاه
لعيوووووونكم بننزل الخبر

يـــا أحمد :
الاعب من حقهـ اختيار العرض المناسب لهــ
خل فـ علمكـ العرض المقدم من الاداره { 4 سنوات } و ما فيهــ الكثير من المميزات
ننتظر توضيح من الادارهـ


* همسه
الاعب حرام انهـ يطلع من العنيد لأنه مكسب كبير

[乂 السنيدي 乂]

المشاركة الأصلية كتبت بواسطة مشجع نهضاوي صغير

الاعب من حقهـ اختيار العرض المناسب لهــ

أشكركـ أخوي مشجع ع المشاركه الطيبه، ولكن عندي لك سؤال وأتمنى أنك تجاوب عليه بكل عقلانية ومنطقية..
اللاعب وين بيحصل العرض اللي يتمناه ..؟!
أغلب كبــــــار الأندية فـ عمان تعطي لاعبينها رواتب متأخره جدا، الموسم الكروي خلص وهي بعدها تعطي الرواتب ..!
وبعض الأندية تعطي رواتب لاعبيها بالأقســاط، وأزيدك من الشعر بيت راتب شهر متأخر وبالتقسيط بعد ..!
انا ما امدح النادي ولكن بشهادة الجميع النهضة هو النادي الوحيد تقريبا اللي منتظم فـ دفع رواتبه للاعبين،
وان شــــــــاء الله اعتبارا من الموسم القادم كل لاعب يستلم راتبه من البنـــك مباشرة، ويكون بالتالي هو أول نادي يدفع رواتب لاعبيه عن طريق تحويل راتب اللاعب الى حسابه الخاص.

[مشجع نهضاوي صغير]

المشاركة الأصلية كتبت بواسطة السنيدي

أشكركـ أخوي مشجع ع المشاركه الطيبه، ولكن عندي لك سؤال وأتمنى أنك تجاوب عليه بكل عقلانية ومنطقية..
اللاعب وين بيحصل العرض اللي يتمناه ..؟!
أغلب كبــــــار الأندية فـ عمان تعطي لاعبينها رواتب متأخره جدا، الموسم الكروي خلص وهي بعدها تعطي الرواتب ..!
وبعض الأندية تعطي رواتب لاعبيها بالأقســاط، وأزيدك من الشعر بيت راتب شهر متأخر وبالتقسيط بعد ..!
انا ما امدح النادي ولكن بشهادة الجميع النهضة هو النادي الوحيد تقريبا اللي منتظم فـ دفع رواتبه للاعبين،
وان شــــــــاء الله اعتبارا من الموسم القادم كل لاعب يستلم راتبه من البنـــك مباشرة، ويكون بالتالي هو أول نادي يدفع رواتب لاعبيه عن طريق تحويل راتب اللاعب الى حسابه الخاص.

هلا فيكــ أخوي السنيدي انت تقول مافي انديهـ فـ السلطنهـ شرات نادينا و انا اتفق وياكــ . بس خل فـ علمك بعض الانديه تتطلع للمستقبل يعني لا تستغرب اذا الاعب طار لاي نادي و بــمميزات { مقدم + راتب + سكن + وظيفه }

هل النادي خسران || ؟

الجواب لأ
تعرف ليش ؟
لان الاعب عمره 20 و فـ قائمة المنتخب الاول و . و . و الخ



كل هاذا خلهـ فـ طرف و الي بقوله الحين خلوه فـ بالكم الانديه الاماراتيه سمحت للفرق من دون 21 سنه استقطاب اي لاعب مقيم و من اي جنسيه للعب فـ الدوري الاماراتي للمراحل السنيهـ و مع شغلة التجنيس كل شي صااااير شفنا
{ عبدالله العريمي لعب ضد منتخبنا و انا شخصيا كنت اشوفهـ فـ منتخب الناشئين و الشباب } و احيينهـ لاعب منتخب قطر يعني خلوا كل شي فـ الحسباااان

أخوكم
مشجع نهضاوي صغير

[乂 السنيدي 乂]

المشاركة الأصلية كتبت بواسطة مشجع نهضاوي صغير

{ مقدم + راتب + سكن + وظيفه }

أشياء وهمية يسدحونها جدام أي لاعب لكسب وده ..!
وياما لاعبين تغرروا بهالشي وأكبر مثال نادي من أندية الوسط قبل موسمين ما خلا لاعب ما تعاقد وياه لين ما فلس وصار يالله يالله يدفع ربع رواتبهم والمقدم محطوط ع ينب واللاعب ما شاف منه شي
والسكن مجبور تسكن لاعبك ولا كيف تباه ينتظم وياك فـ التمرين ..؟!
والوظيفه ع قدر المستطاع يسعون لتوفيرها، ومحد يوقف جدام أرزاق الناس
ياخي مد ريولك ع قد لحافك ولا تمنن اللاعب بأشياء تخلي منه ما يشوف غير هالنادي وتربط مصيره بأشياء وهميه
خلك واضح وياه من البدايه ولا تغرر فيه
النهضه من أفضل الاندية بدون مجاملة ويمتلك ادارة واعية وجمهور راقي وواعي.
والكل يتمنى الانتساب له.


إذا كمل اللاعب فـ النادي فهذا شي نتمناه بالرغم من اللي قاعد يصير، واذا تعنت ورفض التوقيع فـ دروب السهاله جدامه ونتمناله كـــل التوفيق من قلوبنا ولاشك ان هاللاعب بنخسره.

..